Facemark xarici mənbələrə əsasən istinad edir ki, “Apple” 2024-cü ildə tədarük etməyi planlaşdırdığı “Vision Pro” cihazlarının sayını 700-dən 400-450 minə endirdi. Buna səbəb kimi cihaza tələbin ABŞ hüdudlarından kənara çıxa bilmədən aşağı düşməsi göstərilib. “Apple” fevral ayında ABŞ-da 3500 dollar qiyməti olan “Vision Pro” satmağa başlamışdı. Başlanğıcda cihaza maraq güclü olsa da, zaman keçdikcə adını daha az eşitməyə və marağın azaldığını görməyə başladıq. Bir neçə gün əvvəl daxil olan məlumat da bunu təsdiq edirdi. Mağazalar tələbin indi çox aşağı olduğunu ifadə edib.

Analitik “Ming-Chi Kuonun” iddiasına görə, texnologiya nəhəngi hələlik istehsalı dayandırıb və cihazı ABŞ-dan kənara çıxarmazdan əvvəl tədarükləri azaltmaq qərarına gəlib. Kuonun mənbələri “Apple”-ın 2024-cü il üçün satış proqnozunu 400-dən 450 minə endirib. Qeyd edək ki, bu ciddi bir azalmadır. Şirkətin planları normal olaraq 700-800 min ədəd idi. Yəni, yarıya qədər azalma var.

Bildirilib ki, bu addımın səbəbi ABŞ-da “Vision Pro”-ya tələbatın kəskin azalması olub. Bu səbəbdən “Apple”-ın cihazı başqa ölkələrə gətirərkən diqqətli olacağı əlavə edilib. “Kuo” deyir ki, şirkət iyun ayından əvvəl “Vision Pro”-nu ABŞ-dan kənarda təqdim edəcək. Beləliklə, may ayında başqa bir ölkəyə gəldiyini görə bilərik.

Alınan məlumatlardan biri də aşağı tələbatın digər gələcək “Vision Pro” versiyalarına da təsir etməsidir. Müvafiq olaraq, “Apple” başlıq üçün yol xəritəsində dəyişikliklər edib və normal olaraq 2025-ci ilin sonuna qədər buraxılması gözlənilən daha aşağı qiymətli “Vision Pro” modelini təxirə saldı. Fevral ayında dərc edilən hesabatda “Kuo”, “Apple”-ın məhsul xüsusiyyətlərinə və istifadəçi təcrübəsinə minimal dəyişikliklər etməklə istehsalın və təchizatın dəyişdirilməsinin idarə edilməsinin səmərəliliyini artırmaq üçün çalışdığını söyləyib. O vaxtlarda “Kuo”, 2027-ci ilə qədər əhəmiyyətli yeniləmələri olan bir “Vision Pro” görməyəcəyimizi proqnozlaşdırmışdı.

Maraqların azalması təəccüblü deyil. Ümumiyyətlə, virtual reallıq cihazlarında bu baş verir. Əksər cihazların müəyyən müddətdən sonra unudulduğunu görürük. “Apple Vision Pro”-nun 3500 dollarlıq dəhşətli qiyməti də bu vəziyyətə səbəb oldu. Cihazın gələcəyinin necə formalaşacağını zamanla görəcəyik.