Qədim Azərbaycan şəhərləri arasında xüsusi yer tutan, gözəl, uca dağlar qoynundakı palıd, fıstıq və vələs meşələri, göz oxşayan yaşıl çəmənliklər ilə zəngin təbiəti və görkəmli Qoşa minarəli Cümə məscidi, Gülüstan qalası (XI-XII əsrlər) və s. kimi tarixi yerləri ilə tanınan Şirvanın özəyi sayılan Şamaxı şəhərində yeni 5 ulduzlu otelin tikintisi başlanılmışdır. Bu diyar yayda da, qışda da turizm həvəskarlarını və istirahət edənləri cəlb edir. Bakılı alpinistlərin daha çox həvəs göstərdikləri Babadağ zirvəsi də Şamaxı rayonun ərazisindədir. Oteldə yerli vətəndaşların və xarici turistlərin gözəl təbiət qoynunda zövq alaraq istifadə edə biləcəyi 114 nömrə nəzərdə tutulub onlardan 95-i standart , 19-u isə lüks olacaq. Bundan başqa 500 nəfərlik üç konfrans zalı, idman və oyun meydançaları və digər istirahət üçün lazım olan şərait nəzərə alınıb. Otelin brendinqi Genna’Baku aqentliyi tərəfindən həyata keçirilib. Dizaynda istifadə olunan əsas “ S ” elementi stilistikada Şamaxı şəhərinin adı ilə bir bağlılıq yaradır və şəhərin tarixinə xüsusi münasibət bəslənməsini vurğulayır.
Art direktor: Afşin Bayır
Qrafik dizayner: Rəşad Baxışov
