“Facemark” və “Fil Agency” şirkətlərinin birgə təşkilatçılığı ilə IX dəfə keçiriləcək Milli Marketinq Forumu ölkəmizdə marketinq sektorunun inkişafında 2013-cü ildən etibarən öz töhfəsini verir. “Bilik Təcrübədə Tamamlanır” konsept mesajı ilə 28-29-30 iyun 2024-cü il tarixində keçirilicək forum uzun illərin dəyişməz müzakirəsi olan “nəzəriyyə, yoxsa praktika?” sualına ən optimal formada cavab tapmağa çalışacaq. Həmçinin suala seçim etmək məcburiyyəti müstəvisindən deyil, birgə fəaliyyət prizmasından yanaşaraq “bilik təcrübədə tamamlanır” deyəcək.

İndiyədək tədbirdə ümumi 250+ spiker, moderator və 3000+ şirkətdən əməkdaşlar iştirak etmişdir. Bu il 2 gün fiziki iştirak (offline) və 1 gün tam online formada Meta platformada keçirilməsi planlaşdırılan tədbirdə ümumi 9 panel üzrə 50-dək spiker, 6 keynote spikerin çıxışı planlaşdırılır.

Tədbir dünyada hiper-rəqabət mühitində fəaliyyət göstərən bizneslərin, eləcə də dövlət qurumlarının fəaliyyətini səmərəli, effektiv təşkil etməyə və bu istiqamətdə baxış bucağımızı dəqiq müəyyənləşdirməyə imkan verəcək. MMF2024 Azərbaycanın biznes və marketinq sferasında fəaliyyət göstərən qərarverici şəxslər və fikir öndərlərinə ev sahibliyi edəcək.

Azərbaycanda fəaliyyət göstərən yerli və xarici məşhur şirkətlərin top menecerləri, departament rəhbərləri, sahibkarlar, Kommunikasiya, Marketinq, PR, Satış, İnnovasiya bölmə rəhbərləri və menecerlər tədbirin əsas hədəf auditoriyasıdır.

Builki forumda “Çevik Marketinq Strategiyaları”, “Data və İstehlakçı Davranışı”, «Rəqəmsal Marketinq», «Yeni Media və PR», »Satış və Ticari Marketinq», «Rəy Liderləri», «Təhsildə Marketinq və PR», «Sosial Media və Kreativ», «Marketinq Kommunikasiyaları və Reklam» panelləri üzrə spikerlərin çıxışı və sual-cavab əsasında müzakirə planlaşdırılır.

Milli Marketinq Forumuna bilet əldə etmək və tədbirlə bağlı ətraflı məlumat əldə etmək üçün forumun rəsmi saytına (https://millimarketinqforumu.az/) keçid edə və sosial media hesablarımızı izləyə bilərsiniz.

Facebook: https://www.facebook.com/MilliMarketinqForumu

İnstaqram: https://www.instagram.com/milli_marketinq_forumu/

Linkedln: https://www.linkedin.com/company/milli-marketinq-forumu/