Məlum olub ki, WhatsApp kanallar üçün “təslim” funksiyası üzərində işləyir. Beləliklə, siz sahib olduğunuz kanalı tamamilə başqasına ötürə biləcəksiniz.

Facemark.az xarici mənbəyə istinadən xəbər verir ki, WhatsApp nisbətən yeni kanallar xüsusiyyəti ilə istifadəçilərin və ya məzmun yaradıcılarının birtərəfli paylaşımlar edə biləcəyi yeni bir sahə yaradıb. Məsələn, komandanızın WhatsApp kanalına abunə olmaqla komandanızla bağlı baş verənləri izləyə və ya xəbər təşkilatının kanalına abunə olaraq xəbərləri oxuya bilərsiniz.

WhatsApp-ın üzərində işlədiyi yeni funksiya bu kanalların bir istifadəçidən digərinə ötürülməsini mümkün edir. Əgər yeni açdığınız kanalı artıq idarə etmək istəmirsinizsə və onu idarə etmək istəyən başqa biri varsa, siz kanalı təhvil verib həyatınıza davam edə biləcəksiniz. Beləliklə, WhatsApp kanallarının tezliklə kommersiya məhsuluna çevriləcəyini söyləmək səhv olmaz.

Çox sayda izləyicisi olan Facebook səhifələrinin və ya Twitter hesablarının son dərəcə yüksək qiymətə alınıb satıldığını eşitmiş ola bilərsiniz. Yəqin ki, “WhatsApp”ın yeni funksiyasından sonra abunəçi sayı çox olan kanallar alınıb satılmağa başlayacaq. Nəticədə, kanal sahibi abunəçilərə satışdan komissiya alacağı hər cür reklam və ya məhsulları göstərə bilər. Bu, kanalların həm də maliyyə dəyərinə malik olmasını mümkün edir.

WhatsApp-ın kanal ötürmə funksiyası hazırda həm iOS, həm də Android-də inkişaf mərhələsindədir.