Beynəlxalq Valyuta Fondu (BVF) süni intellektin məşğulluğa təsiri ilə bağlı araşdırma aparıb. Araşdırmaya görə, süni intellektin inkişafı səbəbindən məşğulluğun 40 faizi risk altındadır.

Facemark.az xarici mənbəyə istinadən xəbər verir ki, BVF-nin təhlilinə görə, süni intellekt hazırda xidmət göstərən sektorların yüzdə 60-na əhəmiyyətli töhfə verəcək. Bu sektorlarda çalışan kadrlar süni intellektlə məhsuldarlığını artıracaq. Ancaq süni intellektin dəstəklənməyəcəyi sahələrdə qalan 40 faiz ciddi risk altındadır. Üstəlik, bu vəziyyətin qlobal miqyasda gəlir bərabərsizliyinin artmasına səbəb olacağı proqnozlaşdırılır.

BVF hesab edir ki, süni intellekt texnologiyaları aşağı gəlirli ölkələrlə yüksək gəlirli ölkələr arasındakı fərqi daha da genişləndirəcək.

Araşdırmalar göstərir ki, artıq süni intellekti mənimsəmiş gənc kadrlar gələcəkdə süni intellektin üstünlüklərindən yararlanacaqlar; O deyir ki, hazırda aşağı gəlir kateqoriyasında olan nisbətən yaşlı kadrlar süni intellektin təsiri ilə sistemdən kənarlaşdırılacaq.