WhatsApp bir neçə ay əvvəl elan etdiyi "Kanallar" funksiyasını bütün dünyada istifadəyə verməyə başlayıb. Telegram-a bənzər funksiya istifadəçilərə müxtəlif insanları və ya təşkilatları izləməyə imkan verəcək. Bu kanallarda yalnız administratorlar paylaşım edə biləcək.

Facemark.az xarici mənbəyə istinadən xəbər verir ki, Meta çətiri altında fəaliyyət göstərən ani mesajlaşma proqramı WhatsApp bir neçə ay əvvəl tətbiqə yeni bir atmosfer qatacaq "Kanallar" xüsusiyyətini açıqlamışdı. O vaxtdan bəri sınaqdan keçirilən xüsusiyyət WhatsApp-dan sosial media platforması kimi istifadə etməyə imkan verib.

Şirkət bu funksiyanı geniş istifadəyə verməyə başladığını elan edib. Açıqlamaya görə, “Kanallar” yaxın bir neçə həftə ərzində 150-dən çox ölkəyə gələcək.

Telegram-da gördüyümüz funksiyaya bənzər funksiyaya sahib olan xüsusiyyət, X (Twitter) və ya Threads-də olduğu kimi insanları və ya təşkilatları izləməyə imkan verir. WhatsApp yeni sekmə ilə tətbiqə əlavə olunacaq kanalları "inzibatçıların birtərəfli şəkildə mətn, foto, video, stiker və ya sorğu göndərə biləcəyi nəşr aləti" olaraq təyin edir.

Buradan başa düşürük ki, yalnız izlədiyiniz kanalın administratoru paylaşım edə bilər. Platformada deyilir ki, tətbiqdə sənətçilərin, təşkilatların, idman komandalarının kanalları və daha çox şey yer alacaq.

Kanalların tamamilə məxfilik yönümlü olacağını da qeyd etmək lazımdır. Kanallarda iştirak edən istifadəçilərin telefon nömrələri kimi məlumatların heç biri başqaları ilə paylaşılmayacaq. Eyni zamanda, inzibatçıların məlumatları tam məxfi qalacaq. Bundan əlavə, administratorlar kimin kanalları izləyə biləcəyinə qərar verə və skrinşotların və ya yazıların başqalarına yönləndirilməsini söndürə biləcəklər.