İnstaqram DM-lərdə "Görüldü" məlumatı söndürəcək funksiya üzərində işləyir. İstifadəçilər üçün çox faydalı olacaq xüsusiyyətin nə vaxt gələcəyi bilinmir.

Facemark.az xarici mənbəyə istinadən xəbər verir ki, Meta altında fəaliyyət göstərən sosial media platforması Instagram, digər mesajlaşma tətbiqlərində də qarşılaşdığımız DM tərəfində

"Görüldü" məlumatlarına malikdir. Bu funksiya bizə istifadəçilərin mesajları görüb-görmədiyini anlamağa imkan verir.

Mobil tətbiqlərlə bağlı paylaşımları ilə tanınan Alessandro Paluzzi, şirkətin bu xüsusiyyətdə istifadəçiləri çox sevindirəcək əhəmiyyətli bir dəyişiklik etməyi planlaşdırdığını açıqladı.

Paluzzinin paylaşdığı skrinşota görə, İnstaqram “Görüldü” məlumatını söndürməyə imkan verəcək. İstifadəçilər bunu parametrlər bölməsində yerləşdirilən düymə vasitəsilə edə biləcəklər.

Görüldü məlumatının söndürülməsi Instagram-ın ən böyük çatışmazlıqlarından biri olduğu üçün istifadəçiləri çox sevindirəcək. WhatsApp-dakı mavi işarəyə bənzər funksiyaya malik olan bu məlumat hazırda mesajların bir az altında görünür. Fəaliyyət statusunuz söndürülsə belə, mesajları görüb-görmədiyinizi göstərir. Ona görə də deyə bilərik ki, bir çox insan üçün faydalı ola bilər.

İnstaqramın hazırda üzərində işlədiyi bu dəyişikliyin nə vaxt hər kəs üçün əlçatan olacağı ilə bağlı hələlik məlumat yoxdur.