Elon Mask və komandası X-də (Twitter) paylaşılan xəbər üçün yeni görünüş üzərində işləməyə başlayıb. Bu yeni xüsusiyyətin klik yeminə qarşı qoruyucu olacağı gözlənilir.

Facemark.az xarici mənbəyə istinadən xəbər verir ki, Elon Musk tərəfindən satın alındıqdan sonra X adlandırmağa başladığımız Twitter üçün yeni funksiya üzərində işlər davam edir. Elon Musk tərəfindən də təsdiqlənən və "estetikanı yaxşılaşdıracağını" söyləyən bu yeni xüsusiyyət X-də xəbər səhifələrini izləyən istifadəçilər üçün yeni bir təcrübə təqdim edir.

X-in cari vəziyyətində xəbərləri paylaşan hesabları izləyirsinizsə; başlıqları, keçidi və başlıq şəklini görəcəksiniz. Elon Musk və komandasının üzərində işlədiyi yeni sistem başlıq izahatlarını aradan qaldırır. Yeni funksiya əlçatan olduqda paylaşılan xəbərlərə keçid və başlıq şəkli əlavə olunacaq. X bu hərəkətlə klik bait üçün edilən paylaşımların azalacağını düşünür.

Yuxarıdakı ekran görüntüsündə gördüyünüz kimi, X-in yeni xüsusiyyəti ilə hesab adminləri hər yazı üçün əl ilə mətn yaratmalı olacaqlar. Bu şəkildə bir xəbərin nə ilə bağlı olduğu daha yaxşı izah ediləcək. Saytda paylaşılan başlıq postda göstərilməyəcək. Onu da deyək ki, bu funksiya ilə X-in interfeysi sadələşdiriləcək.

Elon Maskın jurnalistlərlə bağlı digər açıqlamasını da qaçırmayaq. Milyarder iş adamı, görünür, jurnalistlərin birbaşa X-də xəbər yazmasını istəyir. Elon Maskın mövzu ilə bağlı açıqlaması belədir:

‘’Daha çox yazmaq azadlığı və daha yüksək gəlir istəyən jurnalistsinizsə, birbaşa bu platformada yazın!’’