Yaponiya hökuməti özəl şirkətlər vasitəsilə yeni sərnişin təyyarəsi layihəsinə start verib. 33 milyard dollarlıq layihə çərçivəsində hidrogen yanacağı ilə işləyən təyyarə hazırlanacaq.
Facemark.az xarici mənbələrə istinadən xəbər verir ki, Aviasiya sənayesində böyük dəyişikliklərə səbəb olacaq bir addım Yaponiyadan gəlib. Bu mövzuda hökumətlə özəl şirkətlər arasında yeni protokol imzalanıb. Bu protokol çərçivəsində ölkənin yeni nəsil sərnişin təyyarələrinin istehsalı istiqamətində addımlar atmasının yolu açıldı. Yaponiya xüsusilə hidrogen yanacağı ilə işləyən sərnişin təyyarələrinin dizaynı üzərində çalışacaq, lakin hibrid sistemlərin də müzakirə mövzusu olduğu bildirilib.
Yaponiya yeni nəsil sərnişin təyyarələri üçün 33 milyard dollarlıq fond yaradıb. Bu fond növbəti 10 il ərzində xərclənəcək. Yapon səlahiyyətlilərindən verilən açıqlamalara görə, yeni nəsil təyyarələr 2035-ci ildə tamamlanacaq. Yaponiyanın iqtisadiyyat naziri Kazuçika İvata belə bir layihə ilə Yaponiyanın aviasiya sənayesində ehtiyat hissələri istehsal etməkdən kənara çıxacağını bildirib.
